سمنگان ولایتیده طالبان محلی رسمی‌لری یېتکیرمه‌لر بیلن شریک قیلگن معلومات‌لریگه کۉره، بو ولایتده جاری ییل اوزوم حاصلی ۱۴ فایز کمه‌یگن.
بو حقده نشر اېتیلگن معلومات‌نی بیلدیریشیچه، سمنگان ولایتی‌نینگ باغ‌لریدن بو ییل ۲۳ مینگ تُن اوزوم حاصلی آلینگن بۉلیب، بو رقم اۉتگن ییلگه نسبتن ۱۴ فایز آزه‌یگنینی بیلدیره‌دی.
دیمک اۉتگن ییلی سمنگان ولایتی‌نینگ باغ‌لریدن ۲۶ مینگ و ۸۰۰ تُن اوزوم حاصلاتی آلینگن اېکن.
سمنگان ولایتی محلی رسمی‌لری معلوماتیگه کۉره، قورغاقچیلیک و باغ‌لرگه سوو ییتیشمس‌لیگی حاصلات آزه‌یشیگه سبب بۉلگن.
ایتیش کېره‌ک که افغانستان اینقسه تورکستان و قطغن‌ده جایله‌یشگن ولایتلرنینگ تورلی ایکینچیلک محصولاتلری سونگی ییللرده قورغاقچیلیک‌دن زیان‌لنماقده دیر.
