افغانستان‌ده بیرلشگن ملتلر تشکیلاتی‌نینگ نماینده‌لیگی (یوناما) قندهارده طالبان جنگریلری همده پاکستانلیک حربیلر اۉرته‌سیده یوز بیرگن قوراللی توقنشووده ۱۷ نفر تینچ اهالی هلاک و باشقه ۳۴۶ کیشی اېسه یره‌لنگن دېب معلوم قیلدی.
یوناما پنج‌شبنه کونی ۲۴ میزان، بیر خبرنامه‌ده مذکور شخصلر قندهار ولایتی‌نینگ اسپین بولدک اولسواللیگیده اۉلدیریلگن و یره‌لنتیریلگن دېیه تاکیدله‌گن.
شونینگدیک مذکور تشکیلات کنر، پکتیا، هلمند و پکتیکا ولایتلریده یوز بیرگن قوراللی توقنشوولرده باشقه ۱۶ کیشی جان بېرگن دیب قۉشیمچه قیلدی.
شونینگدېک، یوناما طالبلر و پاکستانلیک حربیلر اۉرته‌سیده آتیش کېسین اعلان قیلینگنینی خوش قرشیله‌دی.
باشقه تاماندن بو تشکیلات کابل‌ده یوز بیرگن پارتلشلر عاقبتیده‌گی تلفاتلر تۉغریسیده حلی بیرار نرسه دېگنیچه یۉق.
کابل‌ده ایمرجنسی شفاخانه‌سی اۉتگن کېچه یره‌لنگن ۴۰ کیشی مذکور شفاخانه‌گه آلیب کېلینگنینی بیلدیردی و بولردن بېش کشیسی هلاک بۉلگن.
