بیر قطار خلق ارا عامه‌وي اخبارات واسطه‌لری، ایکّی کیشینی، جمله‌دن بیر باله‌نی اۉلدیریشده عیبلنه‌یاتگن افغان وطنداشی‌نینگ محکمه‌سی آلمانده باشلنگنیدن خبر بېردی.
رویترز خبر آژانسلیگی پنج‌شنبه کونی، 24 میزان بېرگن معلوماتگه کۉره، عیبلنووچی شخص انعام‌الله دېب تنیشتیریلگن بۉلیب، او چمه‌سی سکّیز آی اوّل آشافنبورگ شهریده بیر گروه مکتب اۉقووچیلریگه پیچاق بیلن هجوم قیلگن.
رسمي معلوماتلرده اوشبو هجومده ایکّی یاشلی سوريه‌لیک قیزه‌لاق، بیر اۉقیتووچی و 72 یاشلی اېرکک هم جراحت آلگنی بیلدیریلگن.
قاره‌لاوچی‌نینگ بیلدیریشیچه، انعام‌الله هجوم وقتیده «اسکیزوفرنی پارانویید» کسللیگیدن اذیت چېکّن.
مذکور واقعه آلمانده فبروری آییده‌گی فدرا‌ل سیلاولردن بیر آی اوّل صادر بۉلگن بۉلیب، او آلمان حاضرگی باش وزیری فریدریش مرتس ناقانوني مهاجرتنی باستیریش و چېگره نظارتینی کوچه‌یتیریش وعده‌سینی بېریشگه اونده‌گن.
شونینگدېک، آلمان ایچکی ایشلر وزیری الکساندر دوبرینت‌‌نینگ معلوم قیلگنیدېک، ناقانوني مهاجرلرنی دېپورت قیلیش دستوری حاضرده عملگه آشیریلماقده.
