پاکستان باش وزیری شهباز شریف دایمی آتیش کېسین اوچون توپ طالبلر میدانیده دېب ایتگن.
جیونیوز، شریف بوگون (پنج‌شنبه۲۴ میزان) فدرال کابینه‌سی ییغینیده چېگره توقنشوولریگه اشاره قیلیب، پاکستان
افغانستان‌ده طالبلر رژیمی بیلن معقول شرایط‌ده مذاکره قیلیشگه تیار دېب گزارش بیرگن.
شهبازشریف‌نینگ قۉشیمچه قیلیشیچه، طالبلر هند بویروغی بیلن پاکستان‌گه سۉنگی هجوملرنی بجرگن. بو هجوملر طالبان تشقی ایشلر وزیری امیرخان متقی بیر سفر بیلن هندده توره‌دیگن پیتده یوز بېرماقده.
پاکستان باش وزیری کابینه ییغینیده، «تاسف بیلن برچه سعی و حرکتلرگه قره‌مه {طالبلر رژیمی} افغانستان‌ده تینچلیکنی اولویتگه قۉیمه‌ی تجاوز یۉلینی ایلگری آلگن دیب تیلگه آلگن.
اونینگ سۉزلریگه کۉره، پاکستان سۉنگی واقعه‌لردن کېیین تلافی‌جویانه بیر تدبیر باشله‌دی، چونکه حوصله‌سی پیر بۉلگن.
طالبلر و پاکستان اۉرته‌سیده‌گی توقنشوولر شنبه کېچه‌سی باشلندی. طالبلر پاکستانلیک حربیلرنینگ کابل و پکتیکا ولایتلریگه قیلگن هجومیگه عکس‌العمل بیلدیریب پاکستان چیگره پوسته‌لریگه هجوم قیلگنلرینی معلوم قیلدی.
هر ایکّی تامان نینگ سه‌شنبه کېچه‌سی و چهار شنبه کونی اسپین بولدک – چمن چیگره‌سیده توقنشوولری آغیرلشدی.
تیناون کېچ طالبلر سۉزلاوچیسی پاکستان ایستگی و اصراری بیلن بو گروه آتیش – کېسینگه تن بېرگنینی تیلگه آلدی.
پاکستان یېتکرمه‌لری مذکور آتیش کېسین افغانستان طالبلری ایستگی و مقابل‌نینگ رضایتی بیلن 48ساعت برقرار بۉلگنی حقیده یازگن.
