افغانستان آزادلیک جبهه‌سی‌نینگ ادعا قیلیشیچه، بو جبهه کوچلری تمانیدن کابلده طالبان اعضالری بۉلگن بیر موترگه اویوشیترگن هجوم نتیجه‌سیده، طالبان‌نینگ ایکّی اعضاسی اۉلدیریلگن وینه بیری یره‌لنگن.
اوشبو جبهه بیر اعلامیه نشر قیلیب، بو هجوم پنج‌شنبه 24 میزان کېچقرون کابل شهری‌نینگ بېشینچی ناحیه‌سی «کوته‌سنگی» منطقه‌سی «کوته‌سنگی- کمپنی» یۉلیده طالبان کوچلری‌نینگ هایلکس رسومیده‌گی موتریگه قرشی عملگه آشیریلگنینی بیلدیرگن.
افغانستان آزادلیک جبهه‌سی بو هجوم باره‌سیده آرتیق معلومات بېرمه‌گن. شونینگدیک، مذکور جبهه اۉز کوچلری‌نینگ احتمالی تلفاتی خصوصیده هم بیرار نرسه دېمه‌گن. عین حالده، کابلده طالبلرنینگ مسووللر بو هجوم حقیده فکر بیلدیرمه‌گن. آزادلیک جبهه‌سی سۉنگی تۉرت ییل جریاینده بار-بار کابلده طالبان جنگریلریگه قرشی هجوم اویوشتیریلگن.
