سنچارک تومنی‌ده‌گی کیچیک قیشلاقده اۉزبیک تیلی ملی کونی مناسبتی بیلن بیره‌م تدبیری اۉتکزیلدی.
بوکون جمعه کونی ۲۵ میزان، سرپل ولایتی‌نینگ سنچارک تومنیده اۉزبېک تیلی ملی کونی مناسبتی بیلن فرهنگی‌لر، استادلر، اۉقووچی‌لر، یاش-ییگیت‌لر و اهالی اشتراکیده احتفال اوتکزیلدی. اوشبو احتفال دوامیده اۉزبېک تیلی‌نینگ تاریخی اهمیتی و مدنی مېراث صفتیده اونی سقلش مهم‌لیگی حقیده سۉز یوریتیلدی.
احتفالده نطق سۉزلگن محلی فعاللر و استادلر تیلنی رواجلنتیریش‌گه قره‌تیلگن تورلی تشبثلر اهمیت‌نی تٲکیدله‌دیلر.
شونینگ‌دېک، اشتراکچیلرگه اۉزبېک تیلیده یازیلگن کتابلر ساوغه قیلیندی، مدنی دستورلر، اۉزبېکلرگه بۉلگن خاص عنعنوی مېراثلر و فرهنگی کییملر نمایش اېتیلگن.
مذکور احتفال دوتم قیشلاغیده اۉتکزیلیب، اهالی‌نینگ کته قیزیقیشی و ایلیق قبولی‌گه سزاوار بۉلدی. بیره‌م نینگ اساسی مقصدی خلق‌نینگ و اینیقسه یاش باله‌لرنی آنه تیلی‌گه مهر قۉییش‌گه و اونی حرمت قیلیش‌گه چقیریش اېدی.
