اروپا اتفاقی‌نینگ تشقی سیاست بۉییچه مسوولی کایا کالاس، طالبان و پاکستان اۉرته‌سیده‌گی تۉقنه‌شوولر عاقبتیدن آگاه‌لنتیرگن.
اروپا اتفاقی‌نینگ بو ییریک مقامی بو حقده یازیشیچه، طالبان و پاکستان اۉرته‌سیده‌گی اوروش و تۉقنه‌شوولر ایکی تامان‌دن قربان‌لیکلرگه سبب بۉلیب، منطقه برقرارلیگیگه یامان عاقبت‌نی آلیب کېله‌دی.
کایا کالاس بو خصوصده پاکستان باش وزیری اۉرین باسری و تشقی ایشلر وزیری اسحاقدار بیلن تلیفونی صحبت قیلگنینی بیان قیلدی.
شونینگدېک اروپا اتفاقی‌نینگ تشقی سیاست بۉییچه مسوولی ایکی تامان‌نی آتیش-کېسینگه چقیرگن.
ایتیش کېره‌ک که طالبان و پاکستان اۉرته‌سیده مناسبت‌لر جدی بیرحالده بوزیلیب، سونگی کونلرده کینگ تۉقنه‌شوولرگه سبب بۉلماقده دیر.
اوشبو تۉقنه‌شوولر دوامیده، پاکستان حربی‌لری تامانیدن اۉتگن آقشم پکتیکا ولایتیده اویوشتیریلگن هجوملر نتیجه‌سیده کمیده اۉن کیشی جان بېردی.
