ایران تشقی ایشل وزیرلیگی بوگون شنبه ۲۶ – میزان بیر بیانات نشر قیلیب، بیرلشکن ملتلر تشکیلاتی‌نینگ بو مملکت هسته‌ای قورال ریجه‌سی خصوصیده بۉلگن ۲۲۳۱ رقملی قطعنامه‌سی‌نینگ اۉن ییللیک زمانی یکونلنگن دېب اعلام قیلدی.
ایران تشقی ایشلر وزیرلیگی اوشبو قطعنامه زمانی یکونلنیشی بیلن بیرلشکن ملتلر تشکیلاتی بو مملکت‌گه نسبتن ینگی تحریملرنی عملگه آشیریش اوچون حقی یۉق دېب بیلدیرگن.
بو مساله‌نی ایران تشقی ایشلر وزیری سیدعباس عراقچی، بیرلشکن ملتلر تشکیلاتی باش کاتبی و بو تشکیلات خوفسیزلیک کېنگشی‌نینگ باشلیغی‌گه یازگن مکتوبی‌ده هم اعلام قیلگن.
شو اساسده، ایران تشقی ایشلر وزیرلیگی یقین‌ده بو مملکت‌گه نسبتن آلمان، فرانسه و بریتانیا تامانیدن «ماشه میکانیزمی» قیته فعال اېتیلیشی ناقانونی دیر.
ایران شوندی بیرحالده بو مساله‌نی اعلام قیلماقده دیر که یقین‌ده، بیرلشکن ملتلر تشکیلاتی قراری اساسیده، ماشه میکانیزمی فعال اېتیلیب، ایران‌گه نسبتن بۉلگن خلق‌ارا تحریملر ینه بیربار قَیتدی.
اروپا اتفاقی سعی‌وحرکتی بیلن آلینگن بو قرار، ایران هسته‌ای قورال کېلیشووی اساسیده حرکت قیلمه‌گنلیگی سبب آلینماقده‌لیگی بیلدیریلگن.
