طالبان و پاکستان یوقاری مرتبه‌لی رسمی‌لری آره‌سیده، قطر مملکتی‌نینگ دوحه شهریده، بوگون شنبه ۲۶- میزان باشلنگن مذاکره‌لر بیرینچی باسقیچی یکونلنگنی خبر قیلیندی.
پاکستان یېتکیرمە‌لری بو حقده نشر قیلگن خبرلریده، اوشبو مسالە‌نی اعلام قیلدی.
دیمک اوشبو مذاکره‌لرده، طالبان و پاکستان‌نینگ مدافعه وزیرلری و استخبارات اداره‌لری باشلیغلری سطحی‌ده، وکیللر اشتراک قیلگن.
مذاکره ایکی تامان آره‌سیده یوز بېرگن، سونگی تۉقنه‌شوولردن کېین، قطر واسطه‌چیلیگیده اۉتکزیلماقده دیر.
حاضرگچه مذاکره‌لرنینگ بیرینچی باسقیچی‌ده، تامانلر نیمه قرارلرگه ایریشگنی بیللی اېمس. بیراق ایتیلیشیچه ایکی تامان سونگی تۉقنه‌شوولر و مناسب‌لر یامان‌لشگنینی محاکمه قیلیب، اېرتە هم اوچره‌شیشگه کیلیشیب آلگن.
ایتیش کېرە‌ک که طالبان و پاکستان حربی نارتیشوولری، حاضرگچه ایکی تاماندن یوزلب کیشی اۉلیب و یره‌لنیشیگه سبب بۉلگن.
