اروپا اتفاقی‌نینگ کمیده ۲۰ اعضاسی بو اتفاق کمیسیونی‌گه مکتوب یازیب، اروپاده ناقانونی یشه‌یاتکن افغانستان‌لیک مهاجرلر جبری یا ده اۉز طلبی‌گه اساس چیقاریلیشی کېره‌ک دېب بیلدیرگن.
دېیرلی بو کېلیشوو بلژیک تامانیدن تیارلنگن بۉلیب اروپا اتفاقی افغانستان‌لیک مهاجرلر خصوصیده بیرگه‌لیکده چاره-تدبیر کۉریشلری کېره‌ک دېب تاکیدلنگن.
شونینگدېک بو مکتوب‌نی آلمان، هلند، بلغارستان، استونی، فنلاند، یونان، ایرلند، ایتالیا، لیتوانی، لوکزامبورگ، مالت، اتریش، لهستان، اسلواکی، سوئد، چک جمهوریتی، مجارستان و قبرس مملکتلری هم امضاله‌گن.
مکتوب‌ده، افغانستان‌لیک مهاجرلر بو مملکت‌گه قیتریلیشی اوچون طالبان بیلن هم بیرگه‌لیکده مذاکره اۉتکزیلیشی قید اېتیلگن.
ایتیش کېره‌ک که بوندن ایلگری، اوشبو مملکتلر جمله‌سیدن آلمان افغانستان‌لیک مهاجرلرنی چیقاریش جریانینی باشلب، بو خصوصده طالبان بیلن هم علاقه قورگن اېدی.
