تورکیه و عمان، افغانستان همده پاکستان اۉرته‌سیده دوحه (قطر)ده بۉلیب اۉتگن مذاکره‌لر دوامیده، ترکیه و قطرنینگ واسطه‌چیلیگیده اېریشگن آتیش-کیسین‌نی تۉخته‌تیش کېلیشووینی ممنونیت بیلن قرشی آلدی.
ترکیه تشقی ایشلر وزیرلیگی بیاناتیده اسلام آباد و کابل تامانیدن ایکّی مملکتده تینچلیک و برقرارلیکنی مستحکملش مقصدیده میکانیزم یره‌تیش قراری یوقاری بهالندی و قوییده‌گیچه تٲکیدلندی: “تورکیه برقرار تینچلیک و منطقوی برقرارلیکنی قۉللب-قووتلشده دوام اېته‌دی”.
شونینگ‌دېک، مذاکره‌لرگه مېزبان‌لیک قیلگن و اولرنی آسانلشتیریش‌گه قطرنینگ رولی هم آلقیش‌لندی.بوکون یکشنبه ۲۷- میزان، افغانستان و پاکستان رسمی‌لری درحال کوچگه کیرووچی آتیش-کیسین‌نی تۉخته‌تیش کېلیشووینی تصدیقله‌دیلر. بو کېلیشوو پاکستان حربیلری تامانیدن افغانستان‌نینگ پکتیکا ولایتی‌گه اویوشتیریلگن هوا هجوملری آرتیدن، منطقه‌ده کېسکین‌لیک کوچه‌یگنیدن سۉنگ اېریشیلدی.
خبرلرگه کۉره، اوشبو هجوملر نتیجه‌سیده بیر نېچه‌ته تینچ اهالی هلاک بۉلگن.
عمان، قطر و تورکیه‌نینگ اوشبو کېلیشووگه اېریشیشده‌گی رولینی آلقیشلب، بو صلح برقرار بۉلیشی‌گه و افغانستان همده پاکستان اۉرته‌سیده دایمی و کېنگ قمراولی تینچلیک اۉرنتیلیشی‌گه اومید بیلدیردی.
