امریکا قوشمه ایالتلری و هندوستان اۉرته‌سیده تارتیشوولر اینقسه اقتصادی قرمه-قرشی‌لیکلر جدی‌لشگن بیرحالده، دونالد ترامپ هندوستان باش وزیری نریندرا مودی بیلن تلیفونی صحبت‌لشگنیدن خبر بېردی.
بو حقده رویترز تامانیدن نشر اېتیلگن خبرگه کۉره، ترامپ ژورنالیست‌لر بیلن اۉتکزگن صحبتیده، اوشبو مساله‌نی بیان قیلگن.
دونالد ترامپ اوشبو صحبت اساسا سودا مساله‌لری خصوصیده قره‌تیلیب، ثمره‌لی بحث‌لر بۉلگنینی بیلدیرگن.
ترامپ‌نینگ تاکیدلشیچه “بیز کۉپ نرسه‌لر حقیده گپ‌لشدیک، لیکن صحبت‌لریمیز اساسا سودا ساحهسیده اېدی.”
شونینگدېک امریکا جمهور باشلیغی، نریندرا مودی روسیه‌دن نفت ساتیب آلیش‌نی چیکلشیگه وعده بېرگنینی هم تیلگه آلدی.
دېیرلی هندوستان، روسیه‌دن نفت ساتیب آلیشی، امریکا و هندوستان اۉرته‌سیده تارتیشوولرگه سبب بۉلگن اساسی مساله دیر. هندوستان بوندن ایلگری امریکا طلبی‌گه قرشی روسیه‌دن نفت ساتیب آلیشده اولگورگن اېدی.
