قیش موسومی عرفه‌سیده بیرلشگن ملتلر تشکیلاتی‌نینگ انسان مسکن‌لری دستوری افغانستان شهرلریده هوا آغیر افلاسلیگی‌گه دوچ کېلماقده‌لیگیدن آگاه‌لنتیردی.
مذکور تشکیلات بوگون چهارشنبه ۳۰-میزان، ایکس اجتماعی ترماغیده اعلان قیلگن بیاناتیده شونده‌ی یازگن: “نظارت قیلینمه‌یاتگن ترانسپور واسطه‌لری یا که صناعت چیقیندیلریدن چیققن توتون، همده قیشده کۉمیز و پلاستیک یاقیلیشی نتیجده‌سیده یوزه‌گه کېلگن توتون انسان سلامتلیگینی خوف آستیده قۉیماقده.”
بیرلشگن ملتلر تشکیلاتی‌نینگ انسان مسکن‌لری دستوری تٱکیدلشیچه، اولر تازه انرژی، جماعت ترانسپورتی و یشیل فضالرنی ترغیب قیله‌دیلر بو اېسه آدملر سلامتلیگینی اسره‌ش و حیاتلرینی سقلب قالیشگه یاردم بېره‌دی.
افغانستان اهالیسی قیش موسومیده اویلرنی ایسیتیلیشی اوچون اساساً کۉمیردن فایده‌لنه‌دی.
کۉمیر توتونی قیش آیلریده، اینقسه کابل کبی شهرلرده هواگه ترقلیب، جدی هوا افلاسلنیش‌گه آلیب کېله‌دی.
