طالبان تشقی ایشلر وزیرلیگی تامانیدن نشر اېتیلگن بیانات‌گه کۉره، بو وزیرلیک اۉرین باسری محمدنعیم، چین‌نینگ افغانستان بۉییچه مخصوص وکیلی یوشیا یونگ بیلن اوچره‌شگن.
اوچره‌شووده طالبان و پاکستان اۉرته‌سیده یوز بېرگن سونگی تۉقنه‌شوولر و قرمه-قرشی‌لیکلر خصوصیده بحث اېتیلگنی بیان قیلیندی.
چین مخصوص وکیلی اوشبو قرمه-قرشی‌لیکلر حل اېتیلیشی خصوصیده، بو مملکت واسطه‌چیلیک قیلیش‌ده تیار اېکنینی بیلدیریب، بو خصوصده واسطه‌چیلیک قیلگن تورکیه و قطر حصه‌سیدن قدرله‌گن.
ایتیش کېره‌ک که طالبان و پاکستان مناسبت‌لری سونگی وقتلرده، جدی یامانلشیب، ایکی تامان آره‌سیده کینگ تۉقنه‌شوولر یوز بېردی.
چین اېسه طالبان و پاکستان بیلن یخشی مناسبتده بۉلگن مملکتلردن دیر.
