جنرال عبدالملک باشچیلیگده‌گی افغانستان آزادلیک حزبی، طالبان‌نینگ پاکستان بیلن یاشیرون کېلیشوولرینی تنقید قیلیب، بو بیتیملر “اوروش، ویرانلیک و خلق عذاب-عقوبتی‌گه” سبب بۉلگنینی بیلدیردی.
اوشبو حزب اۉز بیاناتیده تٲکیدلشیچه، مملکت تقدیری هر بار یاپیق اېشیکلر آرتیده و خلق‌لر وکیللری‌سیز حل اېتیلگنیده، نتیجه‌سی ایشانچسیزلیک و ویرانلیک بۉلگن.
بو بیانات پاکستان مدافعه وزیری، خواجه آصف (ای آر وای) یېتکیرمه‌سی بیلن بۉلگن صحبتیده، طالبان بیلن آتیش-کېسین بۉییچه “مخفی” کېلیشوو تفصیلاتلرنی آشکار اېته‌آلمسلیگینی ایتگن سۉزلریدن سۉنگ بیلدیریلدی.
آزادلیک حزبی‌نینگ تٲکیدلشیچه، طالبان بیلن چین، روسیه و امریکا قوشمه ایالتلر بیلن یاشیرون، کېلیشوولری هم مملکت طبیعی بایلیک‌لرینی تالان-تاراج قیلیشگه وملی منفعتلرده ناانیق‌لیک سبب بۉلگنینی معلوم قیلدی.
بیراق، طالبان حاضرگچه بو باره‌ده هېچ قنده‌ی مناسبت بیلدیرمگن.
