بیرلشکن ملتلر تشکیلاتی‌نینگ افغانستانده‌گی نماینده‌لیگی یا ده «یوناما» بوگون جمعه ۲ – عقرب، مذکور تشکیلات ایجاد اېتیلیشی ۸۰ –نچی ییللیگی مناسبتی بیلن بیر بیانات نشر قیلیب، افغانستانده دوام اېتیب تورگن وضعیت همده بو مملکت احوالی‌گه ییتیشیش اوچون بۉلیب تورگن اینتیلیش‌لر حقیده معلومات بېردی.
بیرلشکن ملتلر تشکیلاتی افغانستانده انسان حقلری احوالی اینقسه خاتین-قیزلرگه نسبتن چیکلاولر، اولر اۉقیش‌دن محروم اېتیلیشی، شونینگدېک اهالی دوچ بۉلیب تورگن آغیر اقتصادی احوال و میلیون‌لب مهاجر مملکتگه قیتیشی اۉرته‌گه آلیب کېلگن باسیم‌لر عاقبتیدن خواطر بیلدیردی.
عینی حالده بیرلشکن ملتلر تشکیلاتی افغانستانده، اۉقیش، انسان حقلری و برقرار رواجلنیش کبی ارزشلرگه جدی اعتبار قره‌تیلیشی کېره‌ک دېب تاکید قیلدی.
شو بیلن بیرگه بیرلشکن ملتلر تشکیلاتی، افغانستانده تینچ‌لیک و برقرارلیک تامین‌لنیشی و کینگ قمراولی حکومت اۉرته‌گه کېلیشی مقصدیده سعی و حرکت قیلیشی‌دن هم ایشانچ بېردی.
