آزادلیک جبهه‌سی اۉزی‌نینگ طالبان‌گه قرشی اویوشتیرگن هجوملرینی ادعا قیلیشی دوامی‌ده، ینه بیربار قندوز ولایتیده، بیر هجوم اویوشتیریلگنیدن خبر بېردی.
بو جبهه تامانیدن بوگون جمعه ۲- عقرب نشر اېتیلگن بیانات‌ده ادعا اېتیلیشیچه، اوشبو هجوم نتیجه‌سیده طالبان حربی‌لریدن بیر کیشی جان بېریب و ینه بیر کیشی یره‌لنگن.
هجوم اۉتگن آقشم قندوز شهریده برق باشقیرمه‌سی اونگی‌ده اویوشتیریلگن.
طالبان حاضرگچه بو هجوم خصوصیده هیچ قنده‌ی مناسبت بیلدیرگن اېمس.
ایتیش کېره‌ک که طالبان بوندن ایلگری هم، آزادلیک جبهه‌سی تامانیدن اویوشتیریلگنی ادعا قیلینگن هجوملرنی هیچ بیری‌سینی تصدیق‌لگن اېمس.
