تخار ولایتی‌نینگ مرکزی تالقان شهریده بوگون جمعه ۲ – عقرب، طنطنه‌لی بیر احتفال اۉتکزیلیب، اۉزبېک تیلی ملی کونی‌دن نشانلندی.
تخار ولایتی‌نینگ فعاللری و یاش-ییگیت‌لری تشبثی بیلن اۉتکزیلگن اوشبو ییغین‌ده، فرهنگی فعاللر، یازووچیلر و اهالی کینگ اشتراک قیلیب، تیل بیره‌مینی نشانله‌گنلر.
مذکور احتفال اشتراکچیلری، تیل اهمیتی و تاریخی اۉرنی حقیده چیقیش قیلیب، آنه تیل‌میزنینگ خلق‌میز آره‌سیده‌گی قدری حقیده صحبت قیلگنلر.
شونینگدېک تخارلیک فعاللر و اهالی، اۉزبېک تیلی اسره‌ب-اوه‌یلنیش خصوصیده بۉلگن سعی‌وحرکتلردن قدرلب، بو حقده کۉپراق اعتبار قره‌تیلیشی کېره‌ک‌لیگی معلوم قیلیشدی.
تالقان شهریده اۉتکزیلگن اوشبو احتفالده، خلقی‌میز مدنیتی‌گه عاید کۉرگزمه‌لر هم اۉتکزیلدی.
ایتیش کېره‌ک که تیل بیره‌می اۉتگن بیر هفته‌دن بیری، کینگ نشانلنیب کېلماقده دیر.
