اۉزبېکستان‌نینگ «قلمپیر-اۉز» گزیته‌سی خبری‌گه کۉره، قرغیزستان حکومتی قارقاپلانی بو مملکت ملی رمزی صفتیده تَن آلینیشی خصوصیده‌گی قرارنی قبول قیلگن.
اوشبو قرار اساسیده بوندن کېین، قارقاپلانی‌دن قرغیزستان‌ده، دولت و باشقه مکافاتلرده، یادگارلیک تنگه‌لری و بانکنوت‌لرده، دولت بیره‌ملری، یادگارلیک سنه‌لری و رسمی تدبیرلرنی بیزه‌تیشده شونینگدېک باسمه محصولاتلر، بنالر و انشاتلر تیارلنیشیده ملی رمز اوله‌راق ایش آلینه‌دی.
قلمپر اوزگه کوره؛ بو رمزنی قۉللش ترتیبینی بوزیش، تصویرینی بوزیب کۉرستیش یاکی ناقانونی فایده‌لنیش قیرغیزستان قانونچیلیگیگه موافق، جوابگرلیککه سبب بۉله‌دی.
ایتیش کېره‌ک که قارقاپلانی کمیاب حیوانلردن بیری بۉلیب، اۉرته آسیا و جنوبی آسیا تاغلی حدودلریده یشه‌یدی.
