آلمان‌نینگ هامبورگ شهریده «تورکستان بیرلیگی انجمنی» تشبثی بیلن، بیر احتفال اۉتکزیب، اۉزبېک تیلی ملی کونی‌دن تجلیل قیلیندی.
اوشبو احتفالده، آلمانده یشاوچی اۉزبېکلر اینقسه آق‌سقاللر، فعاللر، مدنیت‌چیلر، شاعرلر، یازووچیلر، عیاللر و یاشلر کینگ اشتراک اېتیب، آنه تیل بیره‌مینی شانلی نشانله‌دی.
احتفالده سۉزگه چیققن فعاللر، اۉزبېک تیلی‌نینگ تاریخی و اهمیتی همده بو تیل‌نینگ افغانستانده‌گی اۉرنی حقیده، صحبتلر قیلگن.
شونینگدېک احتفال دایره‌سیده، دنیانینگ تورلی چیککه‌لریدن یوباریلگن پیاملر قوییلیب، اۉزبېک تیلی و مدنیتی‌گه عاید کتابلر و طعاملر هم کۉرگزمه‌گه قۉییلگن.
احتفال تشکیلاتلری‌گه کۉره، احتفالده اۉزبېکلرگه قوشیمچه آلمان‌نینگ بیر قنچه فعاللر و رسمی‌لری هم اۉزبېک تیلی و مدنیتی‌گه کتته قیزیقیش کۉرسه‌تیب اشتراک قیلگن.
