فوتبال عالمی‌ده‌گی قیزیق و هیجانلی اۉیین‌لردن بۉلگن «الکلاسیکو» نامی آستیده‌گی اسپانیانینگ ریال مادرید و بارسلونا فوتبال جماعه‌لری قرشی‌لنیشی، بو کېچه اۉتکزیله‌دی.
دېیرلی افغانستان وقتی بیلن ساعت ۷:۴۵ دقیقه باشلنیشی ریجه‌لشتیریلگن اوشبو اۉیین، اسپانیا فوتبال لیگه‌سی یا ده لالیگانینگ اۉنینچی هفته‌سی دایره‌سیده، اۉتکزیلماقده دیر.
نوبتده‌گی الکلاسیکو اۉیینی، جماعه‌لر اوچون تاریخی اهمیت‌گه ایگه بۉلیشیگه علاوه، لالیگا جاری موسومی رویخطی‌ده بیرینچی اۉرین‌نی ایگه‌لش اوچون هم اهمیت‌لی دیر.
حاضر لالیگا رویخطی‌ده بیرینچی اۉرین‌ده بۉلگن ریال مادرید فوتبال جماعه‌سی، بو کېچه بای بېرگن تقدیرده، اۉرنینی بارسلوناگه بېره‌دی. عکسینچه بۉلگنده ریال مادرید جماعه‌سی ۲۷ امتیازلیک بۉلیب، بارسلونا بیلن امتیاز فرقینی ۵ امتیازگه کوتاره‌دی.
ایتیش کېره‌ک که الکلاسیکو اۉیینی دنیا تورلی مملکتلری وطنداشلری آلدیده کتته هیجان‌گه ایگه دیر. شو سبب میلیون‌لب انسان بو اۉیین‌نی کوتیب تورگن.
