طالبان و پاکستان رسمی‌لری اۉرته‌سیده، تورکیه‌نینگ استانبول شهری میزبان‌لیگیده مذاکره ایکی کون‌دن بیری دوام اېتر اېکن. بیراق حاضرگچه اوشبو مذاکره ایجابی بیر نتیجه‌گه ایریشگنی بیللی اېمس.
ایتیلیشیچه طالبان بو مذاکره‌لرده، اۉز یکونلی مسوبه‌سینی پاکستان‌گه تاپشیرگن.
طالبان تامانیدن اعلام اېتیلگن معلوماتگه کۉره، بو حاکمیت مسوده‌سیده پاکستان، افغانستان‌گه قرشی هوا هجوملرینی اویوشتیرمس‌لیگی، افغانستان توپراغی‌دن پاکستان‌گه قرشی ایش آلینمس‌لیگی همده آتیش-کېسین کېلیشووی عملگه آشیریلیشی خصوصیده تۉرت تامانلمه چینل توزیلیشی‌گه طالبان تیار اېکن‌لیگی بیلدیریلگن.
حاضرگچه بو مساله‌لر خصوصیده پاکستان تامانی‌نینگ قراری نیمه بۉلگنی بیللی اېمس.
دیمک بوندن ایلگری ایریم پاکستان‌لیک یېتکیرمه‌لر، اۉز منبع‌لری معلوماتی‌گه اساسلنیب، طالبان‌نینگ تکلیف‌لری پاکستان تامانیدن قبول قیلینمه‌گنینی هم معلوم قیلگن اېدی.
عینی حالده، طالبان سۉزلاوچیسی ذبیح الله مجاهد «طلوع‌نیوز» تلویزیون کانالی‌ده، مذکور مذاکره‌دن حاضر یکونلی نتیجه کوتیلمه‌گنینی بیلدیرگن.
ایتیش کېره‌ک که پاکستان مدافعه وزیری خواجه محمدآصف بوندن ایلگری، اوشبو مذاکره ایجابی نتیجه بېرمه‌گن تقدیرده، آچیق اوروش باشلنیشی ممکن‌لیگیدن آگاه‌لنتیرگن اېدی.
