خلق‌ارا یېتکیرمه‌لر روسیه رسمی‌لری معلوماتی‌گه اساسلنیب خبر بېریشیچه، اوکراین تامانیدن روسیه بیر قنچه حدودلری اینقسه مسکوگه قرشی راکته هجوملر اویوشتیریلگن.
بو حقده نشر اېتیلگن معلومات‌گه کۉره، روسیه هوایی مدافعه تیزیمی آرقهلی، اوکراین تامانیدن آتیلگن ۱۹۳ راکته یۉق اېتیلگن که بو راکته‌لر ایچیدن ۱۶۰ ته‌سی روسیه پایتختی مسکو تامان آتیلگن اېکن.
شونینگدېک قالگن راکته‌لر هم روسیه‌نینگ تورلی حدودلری آسمان‌لریده یۉق اېتیلگن.
عینی حالده روسیه رسمی‌لری، بو هجوملر یره‌تگن خوف سبب‌لی بو مملکت ایکی قونلغه‌سیده‌گی اوچیش‌لر هم وقتینچه‌لیک تۉخته‌تیلگنیدن خبر بېردی.
اوکراین بو هجوملری نتیجه‌سیده بیر کیشی جان بېریب و ینه بیش کیشی یره‌لنگنی انیق‌لنگن.
ایتیش کېره‌ک که روسیه و اوکراین اوروشی سونگی کونلرده، جدی‌لشگن. اۉتگن کون روسیه تامانیدن اوکراین اوستیگه اویوشتیریلگن هجوم نتیجه‌سیده تۉرت کیشی جان بېریب و ۲۰ کیشی یره‌لنگن اېدی.
