تورکیه و انگلستان دولت رهبرلری اۉرته‌سیده «یوروفایتر تایفون» ناملی حربی اوچاق‌لرنی ایشلب چیقریش خصوصیده، همکارلیک شرطنامه‌سینی امضالندی.
اوشبو شرطنامه، انگلستان باش وزیری کی‌یر استارمرنینگ تورکیه‌ده‌گی سفری دایره‌سیده امضالنگن بۉلیب، ایکی مملکت بو خصوصده همکارلیکلرینی آشیریش‌ده کېلیشیب آلگنلر.
عینی حالده تورکیه جمهور باشلیغی رجب طیب اردوغان و انگلستان باش وزیری کی‌یر استارمرنینگ انقره‌ده بۉلیب اۉتگن اوچره‌شووی دوامی‌ده، باشقه ساحه‌لرده هم همکارلیکلر آشیشی توافق اېتیلگن.
بو حقده نشر اېتیلگن معلوماتلرگه کۉره، تورکیه و انگلستان دولت رهبرلری ایکی مملکت‌ارا سودا حجمی ۳۰ میلیارد دالر و کېین اېسه ۴۰ میلیارد دالرگه قدر آشیشینی تاکید قیلگنلر.
ایتیش کېره‌ک که انگلستان باش وزیری رسمی بیر تشریف بیلن بوگون تورکیه‌نینگ پایتختی انقره شهریگه ییتیب کېلدی.
تورکیه جمهور باشلیغی بو مملکت جمهورلیک ریاست سرایی‌ده، انگلستان باش وزیرینی قیزغین کوتیب آلدی.
