صربستان جمهور باشلیغی الکساندر ووچیچ، بوگون سهشنبه ۶ – عقرب رسمی تشریف بیلن اۉزبېکستانگه ییتیب بارگن.
صربستاننینگ دولت رهبری و اونینگ تورموش اورتاغی، تاشکینت قونلغهسیده اۉزبېکستان باش وزیری عبدالله عارفاف آرقهلی کوتیب آلینگن.
بو حقده نشر اېتیلگن خبرلرگه کۉره، صربستان جمهور باشلیغی بو سفری اۉزبېکستان جمهور باشلیغی شوکت میرضیایف تکلیفی اساسیده، عملگه آشیریلگن.
اوشبو سفر دایرهسیده، اۉزبېکستان و صربستان دولت رهبرلری اوچرهشوو اۉتکزیشلری ریجهلشتیریلگن.
ایتیش کېرهک که صربستان و اۉزبېکستان اۉرتهسیده دیپلوماتیک مناسبتلر یقینده باشلنگن بۉلیب، صربستان ایلکبار اۉز ایلچیسینی تاشکینتگه یوبارگن اېدی.
دېیرلی صربستان و اۉزبېکستان اۉرتهسیده مناسبتلر، اۉزبېکستان حکومتینینگ اروپا مملکتلری بیلن همکارلیکلرینی آشیریش مقصدیده بۉلگن سونگی اینتیلیشلری اساسیده برقرار اېتیلماقده دیر.
