استانبولده طالبان و پاکستان اۉرتهسیدهگی مذاکرهلر موفقیتسیزلیککه اوچرهگنی آرتیدن، پاکستان اخبارات وزیری عطاءالله ترار اۉتگن کېچه بیر بیانات نشر قیلیب، بو خصوصده طالباننی عیبلدی.
ترار تامانیدن نشر اېتیلگن بیاناتده، طالبان افغانستان خلقینی کېرهک بۉلمهگن بیر اوروش تامان تارتهیاتکنی ادعا قیلینگن.
شونینگدېک پاکستان اخبارات وزیری، طالباننی پاکستان طالبان تحریکی یا ده «تیتیپی»نی قوللب-قوتلشده عیبلگن.
بوندن ایلگری، پاکستان مدافعه وزیری خواجه محمدآصف هم، استانبول مذاکرهسی موفقیتسیزلیککه اوچرهگنیده طالبان عیبدار دېب معلوم قیلگن اېدی.
بو سۉزلر شوندی بیرحالده دیر که طالبان، پاکستاننی اوشبو مذاکرهلرنی ترک اېتیش و موفقیتسیزلیککه اوچرهشیشگه سبب بۉلیشده عیبلماقده دیر.
ایتیش کېرهک که پاکستان و طالباننینگ استانبول شهریدهگی اوچ کونلیک سۉزلشوولری نتیجهسیز یکونلندی.
