افغانستان تورلی حدودلریده ترافیکی حادثهلر خواطرلر بیرحالده دوام اېتر اېکن، بدخشان ولایتیده ینه بیر حادثه یوز بېریب، اهالیدن قربانلیک آلدی.
بدخشان ولایتیده طالبان خوفسیزلیک قومندانلیگی تامانیدن نشر اېتیلگن بیاناتگه کۉره، بو ولایتنینگ ارغنجخواه تومنیده یوز بېرگن ترافیکی بیر حادثه نتیجهسیده بیر کیشی جان بېریب و آلتی کیشی یرهلنگن.
واقعهده یرهلنگنلر آرهسیده بیر باله هم بارلیگی معلوم قیلینگن.
اوشبو واقعه، ارغنجخواه تومنینینگ «کوچک دره» حدودیده، سراچه رسوملی موتر یۉلدن چیقیب کېتیشی نتیجهسیده یوز بېرهدی.
ایتیلیشیچه واقعهده یرهلنگن شخصلردن ایریملرینینگ احوالی آغیر دیر.
ایتیش کېرهک که بدخشان ولایتی، افغانستان بویلب کۉپلب ترافیکی حادثهلر گواهی بۉلیب تورگن ولایتلردن بیری دیر.
