ایران تشقی ایشلر وزیرلیگی‌نینگ حقوقی و خلق ارا مساله‌لر بۉییچه اۉرین باسری کاظم غریب آبادی، افغانستان‌گه سفری دایره‌سیده طالبان‌نینگ هرات والیسی نور الدین اسلام‌جار بیلن اوچرشیب، صبحت اۉتکزگن.
تسنیم اخبارات یېتکیرمه‌سی چهارشنبه ۷-عقرب، بېرگن خبرلری‌گه اساسلنیب، بو اوچره‌شوو غریب آبادی و طالبان والیسی هراتده ایکی تامان اۉرته‌سیده‌گی همکارلیکنی کېنگیتیریش همده موجود مساله‌لرنی حل اېتیش حقیده صبحت‌لشیب اۉتگنلر.
خبرلرگه کۉره، کاظم غریب آبادی ایران و طالبان اۉرته‌سیده‌گی سوا و اقتصادی همکارلیکلرنی کېنگیتیریش ضرورلیگینی تٲکیدلب، چېگره امکانیتلریدن فایده‌لنیش اکی تامانلمه مناسبتلرنی رواجلنتیریش اوچون اېکنینی ایتگن.
طالبان‌نینگ هراتده‌گی والیسی نور الدین اسلام‌جار اېسه خواف-هرات تېمیر یۉلی کبی قۉشمه لایحه‌لرده همکارلیک دوام اېتتیریش ضرورلیگینی ایتیب، تېمیز یۉلنی مزار شریف‌گچه دوام اېتتیریش اوچون ایران‌نینگ یاردم بېریشینی سۉره‌گن.
بو اوچره‌شوو ایران هیئتی تامانیدن اۉتکزیلگن بیر پیتده، طالبان و پاکستان اۉرته‌سیده‌گی ضدیت‌لر تینچلیک مذاکره‌لری اۉتکزیله‌یاتگنی‌گه قره‌می هنوز دوام اېتماده و تامانلر بیر-بیرینی کېلیشووگه تیار اېمسلیکده عیبله‌ماقده.
