اسراییل غزهده هوا هجوملری باعث کمیده ۱۰۰ کیشی هلاک بۉلگن، تلآیو آتیش-کېسین کېلیشوویگه قیتگنینی دعوا قیلگن.
غزهده ساغلیقنی سقلش رسمیلریگه کۉره، بوگون چهارشنبه ۷-عقرب، عیاللر و بالهلر جملهسیدن کمیده ۱۰۰ کیشی بوتون غزه بۉیلب هلاک بۉلگن.
بو امریکا قوشمه ایالتلر رئیسی دونالد ترامپ تامانیدن قۉلب-قوتلنگن آتیش-کېسین کېلیشوویدن کېیینگی اېنگ هلاکتلی اسراییل هجومی سنلهدی.
اسراییل مدافعه وزیری، اسراییل کاتز “اۉنلب حماس قومندانلری” تونده اۉلدیریلگنینی ایتیب، حربی کوچلر ساعت ۱۰:۰۰ دن باشلب آتیش-کېسین قیته تۉختهتیلگنینی بیلدیردی.
غزه ساغلیقنی سقلش وزیرلیگی باش کاتبی ۳۵ باله هلاک بۉلگنینی معلوم قیلدی.
حماس آتیش-کېسین شرطلرینی بوزمهگنینی، گروگان آلینگنلرنینگ جسدلرینی قیتریش اوستیده ایشلهیاتگنینی ایتدی.
خبرلرگه کۉره، اسراییل کېلیشوودن کېیین بیر نېچه بار آتیش-کېسین رژیمینی بوزگن.
شو بیلن بیرگه، امریکا قوشمه ایالتلر رئیسی دونالد ترامپ، غزهدهگی آتیش-کېسین خوف آستیده اېمسلیگینی بیلدیردی.
