ایریم یېتکیرمه‌لر اۉز منبع‌لری معلوماتی‌گه اساسلنیب نشر قیلگن خبرلریگه کۉره، تورکیهنینگ استانبول شهری میزبانلیگیدهگی طالبان و پاکستان مذاکره‌سی بوگون، قیته باشلنیب ایکی تامان وکیللری اوچره‌شیشی ممکن دیر.
دیمک اوشبو مذاکره بوندن ایلگری، نتیجه‌سیز یکونلنگن اېدی و طالبان و پاکستان بو موفقیت‌سیزلیک اوچون بیر-بیراوینی عیبلب کېلگن.
ایتیلیشیچه تورکیه و قطر واسطهچیلیگیده، پاکستان و طالبان وکیللری بوگون ینه بیربار مذاکره قیلیش‌ده موافقت کۉرسه‌تگنلر.
اۉتگن کون استانبول مذاکره‌سی نتیجه‌سیز قالگنی آرتیدن، طالبان و پاکستان بیر-بیراویگه نسبتن جدی تنقیدلرنی تیلگه آلدی.
طالبان، پاکستان تامانیدن ایتیلگن شرط-شرایط‌لرنی منطق‌سیز بیان قیلگن بۉلسه‌ده، پاکستان اېسه طالبان‌نی اوروش و یۉق اېتیش‌گه آگاه‌لنتیردی.
