اۉزبېکستان‌نینگ سمرقند شهری میزبان‌لیگیده، ایلک‌بار بیرلشکن ملتلر تشکیلاتی‌نینگ تعلیم، بیلیم و مدنیت تشکیلاتی یا ده «یونسکو»نینگ ییللیک عمومی کنفرانسی اۉتکزیلماقده دیر.
اوشبو کنفرانس تاریخده ایلک‌بار پاریس‌دن تشقری باشقه بیر شهر میزبان‌لیگیده اۉتکزیله‌یاتکن بۉلیب، بوگون عقرب آیینینگ ۸ – سی باشلندی.
اوشبو ییغین‌ده، دنیا بویلب ۱۹۰ مملکت‌دن ۲ مینگ و ۸۰۰ دن آرتیق وکیل اشتراک اېتیشی ریجه‌لشتیریلگن. بو حقده اۉزبېکستان جمهور باشلیغی‌نینگ مطبوعات کاتبی شیرزاد اسداف ژورنالیست‌لر بیلن اۉتکزگن صحبت‌لریده معلومات بېردی.
شونینگدېک بو وکیللر آره‌سیده ۷۰ گه یقین یوقاری درجه‌لی رسمی‌لر هم حضوری بارلیگی معلوم قیلینماقده دیر.
اۉزبېکستان جمهور باشلیغی‌نینگ مطبوعات کاتبی، بو کنفرانس سمرقند میزبان‌لیگیده اۉتکزیلیشی نه فقط اۉزبېکستان اوچون بلکه منطقه اوچون اونملی بۉلگنینی بیلدیردی.
ایتیش کېره‌ک که بو یونسکونینگ ۴۳ – دور عمومی کنفرانسی دیر که تاریخی شهرلردن بۉلمیش سمرقند شهری میزبان‌لیگیده اۉتکزیلماقده.
بو حقده نشر اېتیلگن معلوماتلر اساسیده، یونسکو ییغینی دایره‌سیده سمرقنده ییغیلگن وکیللر، دنیا بویلب بیلیم و فن ساحه‌لریده فکر المشتیره‌دیلر.
