آلمان‌نینگ برلین شهریده «اۉزبېکستان ایلچی‌خانه‌سی» تشبثی بیلن اۉزبېک تیلی ملی کونیدن محفل آلینیب اۉتدی.
اوشبو احتفال بوگون پنجشنبه ٨-عقرب، اۉزبېکستان‌نینگ اېلچی‌خانه‌سی رهبری دلشاد احدوف باشلیغیده، رسمی شکلده آلمانده یشاووچی اۉزبېکستان‌لیک اۉزبېکلر اینقسه، مدنیتچی‌لر، یازوچی‌لر، ژورنالیست‌لر و آلمان‌نینگ مدنی و سیاسی کیشی‌لری بیلن طنطنه‌لی شکلده اۉتکزیلدی.
اوشبو احتفالده اۉزبېکستان اېلچی‌‌سی دلشاد احدوف، اۉزبېک تیلی‌نینگ تاریخی و اهمیتی همده کېله‌جگده رواجلنیشی حقیده صحبتلب اۉتدی.
شو بیلن بیرگه افغانستان ژورنالیست و مدنی فعالردن بیری حمیرا سعادت بو بیره‌مده اشتراک اېتیب، اۉزبېکستان‌نینگ اېلچی‌خانه‌سی باشلغی بیلن افغانستان اۉزبېکلری و اۉزبېک تیلی قیسی احوالده لیگینی سوز یوریتیب، بو ایکی یورت، تیل و مدنیت و بیر قوم مشترکات‌نی بیرگه سقلشده حرکت قیلیشی‌نی طلب قیلدی.
شونینگدېک دلشاد احدوف خرسندلیک بیلدریب برلین شهریده تورلی دستور لرنی بیرگه‌لیگده کوتیب آلنیشی‌نی وعده بېردی.
تدبیر سۉنگی دایره‌سیده، اۉزبېکستان آبادانچیلیک و مدنی بایلیگی ویدیو آرقه‌لی کۉرسه‌تیلیب اۉزبېکلرنینگ رسم رواجلری جانلی شکلده موزیک و رقص آرقه‌لی تماشاچیلرنینگ علاقه‌سینی اۉزیگه جلب اېتدی.
