طالبان‌نینگ تورخم چیگره‌سیده‌گی محلی رسمی‌لری تامانیدن نشر اېتیلگن معلوماتگه کۉره، بو چیگره بوگون شنبه ۱۰ – عقرب یالغیز مهاجرلر قیتیشی اوچون آچیله‌دی.
دیمک حاضرگچه مذکور چیگره سودا و باشقه مقصدلر بیلن بۉلگن باریب-کېلیش یوزیگه قچان آچیلیشی هلی بیللی اېمس.
تورخم و اسپین بولدک چیگره‌لری، طالبان و پاکستان اۉرتهسیده تۉقنه‌شوو یوز بېرگنده باغلنگن اېدی و شو زمان‌دن بیری یاپیق قالیب کېلماقده دیر.
مذکور چیگره‌لر یاپیق قالیشی افغانستان اوچون کتته اقتصادی زیان‌گه سبب بۉلگن.
افغانستان‌نینگ پاکستان بیلن بۉلگن چیگره‌لری انیقسه تورخم چیگره‌سی، مملکت صادرات توارلرینی تاشیش اوچون اساسی یۉل دیر. شو سبب بو یۉللر باغلنیشی افغانستان صادرات بۉلیمی و اقتصادیاتی اوچون کتته زیان اۉرته‌گه آلیب کېله‌دی.
