طالبان نظارتیده‌گی عاموی اخبارات واسطه‌لری خبر بېریشیچه، توناگون ۱۴۹۰ افغان عایله‌سی مملکت‌گه قیتگن.
طالبان نظارتیده‌گی باختر اخبارات یېتکیرمه‌سی شنبه ۱۰-عقرب، بېرگن خبریده ایتیشیچه: ۳۴ عایله نیمروزده‌گی ایپک کۉپروگی آرقه‌لی، ۴۳ عایله هراتده‌گی اسلام قلعه چېگره‌سی آرقه‌لی، ۱۲۷۳ عایله قنده‌هارده‌گی سپین بولدک چېگره‌سی آرقه‌لی و ۱۴۰ عایله هلمنده‌گی بهرامچه چېگره‌سی آرقه‌لی افغانستان‌گه قیتگن.
افغان مهاجرلری‌نینگ ایران و پاکستاندن چیقریلیشی هنوز دوام اېتماقده و سۉنگی کونلرده ینه‌ده کوچه‌یگن.
ایران ایچکی ایشلر وزیرلیگی‌نینگ چېت اېللیکلر و مهاجرلر ایشلری مرکزی رهبری نادر یارا احمدی یقینده معلوم قیلگن اېدی‌که، ایران رېجه‌سی بۉییچه آلتی میلیون ۵۰ فایزگه گینه مملکتده یششگه رخصت بېریله‌دی.
شو بیلن بیرگه، پاکستان مدافعه وزیری هم میلیونلب افغان مهاجرلر اۉز یورتلری‌گه قیتیشلری کېره‌کلی‌لیگینی، پاکستان “مهمان‌دۉستلیک‌نینگ آغیر نرخینی” تۉلس امکانی‌گه اېگه اېمسلیگینی ایتگن.
