افغانستانلیک قیزلردن تشکیل تاپگن رباتیک جماعه‌سی پاناما جمهورلیکی‌نینگ پاناماسیتی شهریده بۉلیب اوتکن”فرست گلوبل چلنج ۲۰۲۵” اسملی جهان رباتیک مسابقه‌سیده اشتراک اېتدی.
مسابقه ۸ ـ عقرب باشلنیب، بوگون ۱۰ – عقرب یکونلندی.
“فرست گلوبل چلنج” مسابقه‌سی دنیانینگ ۱۹۰ مملکت نماینده لری‌نینگ اشتراکیده اۉتکزیلگن بۉلیب، اونینگ اساسی موضوعسی “اکولوژیک موازنت” اېدی. تدبیرنینگ مقصدی، بیولوژیک خیلمه-خیللیک‌نی سقلش و طبیعی اکوسیستملرنی قۉلب-قوتلش اوچون ربات‌لر یره‌تیش و لایحه‌لش اېدی.
افغانستان قیزلر رباتیک مجموعه‌سی اوشبو مسابقه‌ده بېش اعضادن عبارت ترکیبده قتنشدی.
مسابقه یکونیده قزاقیستان بیرینچی اۉریننی، چین ایککینچی اۉریننی و اۉزبېکستان اوچینچی اۉریننی اېگلله‌دی.
