طالبان ساغلیقنی سقلش وزیرلیگی بوگون یکشنبه ۱۱ – عقرب ژورنالیست‌لر بیلن شریک قیلگن بیاناتیده، هندوستان‌نینگ افغانستان اوچون بۉلگن ینگی طبی یاردملریدن خبر بېردی.
بو حقده ترقه‌تیلگن معلوماتگه کۉره، هندوستان‌نینگ اوشبو یاردملری ۱۶ تُن‌دن آرتیق دارو و طبی اوسکونه‌لردن عبارت بۉلیب، طالبان ساغلیقنی سقلش وزیرلیگیگه تاپشیریلگن.
طالبان ساغلیقنی سقلش وزیرلیگی بو یاردملر اساسا، حشره‌لر آرقه‌لی انتقال تاپیب یوقه‌دیگن کسللیکلرگه قرشی دوالنیش اوچون قره‌تیلگنینی معلوم قیلدی.
شونینگدېک طالبان هندوستان بو یاردملرینی، مملکت ساغلیق بۉلیمی یخشی‌لنیشی و هندوستان بیلن مناسبت‌لر مستحکم‌لنیشیگه اساسی رول اۉینه‌یدی دېب بیلدیردی.
بو یاردملر شوندی بیرحالده دیر که سونگی وقتلرده، افغانستان ساغلیق تیزیمی جدی یاردملر آزهیشیگه دوچ کېلیب، کۉپلب طبی خذمتلر عاقبتی خواطرده توشیب قالگنی معلوم قیلینگن اېدی.
