طالبان‌نینگ انرژی و سوو وزیرلیگی‌نی اعلام قیلیشیچه، سلما سوو تۉغانی‌نینگ سووی هرات ولایتیده‌گی دهقانچیلیک یېرلرینی سوغاریش و هریرود و مرغاب دریاسیگه آقیب توریشی اوچون ۲۰ کون دوامیده قۉییب یوباریلگن.
مذکور وزیرلیک بوگون یکشنبه ۱۱ – عقرب، سلما سوو تۉغانی‌نینگ سووینی قۉییب یوباریش قراری هرات‌ده‌گی طالبان حاکمی‌نینگ اداره‌سیده اۉتگن ییغیلیش قراری‌گه بناً عمل‌گه آشیریلگن.
طالبان انرژی و سوو وزیرلیگی هرات‌نینگ آقسقاللری و دهقان‌لریدن سوودن عدالتلی و ثمره‌لی فایده‌لنیشده همکارلیک قیلیشنی سۉره‌دی.
سلما مملکت‌نینگ غربی قسمیده جایلشگن بۉلیب، افغانستان‌نینگ اېنگ یېریک سوو تۉغانلریدن بیری‌دیر و هندوستان یاردمی بیلن قوریلگن.
بو تۉغان ۶۳۳ میلیون متر سوونی سقلش و ۴۲ میگاوات برق انرژی‌سینی ایشلب چیقریش قوتی‌گه اېگه‌دیر.
طالبان جاری ییل بهاریده هم بو بندنینگ سووینی هرات‌نینگ دهقانچیلیک یېرلرینی سوغاریش اوچون قۉییب یوباریلگن اېدی.
