افغانستان‌نینگ ۱۷ یاشگچه بۉلگن فوتسال ملی جماعه‌سی آسیا قهرمان‌لیگیده غالب بۉلگنیدن سۉنگ، طالبان ایچکی ایشلر وزیری سراج الدین حقانی بیلن اوچره‌شدی.
طالبان ایچکی ایشلر وزیرلیگی خبری‌گه کۉره، حقانی جماعه‌نینگ غلبه‌سینی “بوتون افغانستان خلقی‌نینگ غلبه‌سی” دېب، اته‌دی و شونده‌ی دېدی: “سیز هر بیر افغانستان‌لیک کیشی‌نینگ نماینده‌سی‌سیز. بوتون خلق سیزنینگ غلبه‌نگیزنی ملی بیردملیک بیلن نشانله‌یدی. سیز افغانستان اوچون افتخار یره‌تدینگیز، شو ایشانچ بیلن دوام اېتگن”.
او اۉیینچی‌لردن “قبول قیلینگن اسلامی و افغانی قدریت‌لرنی” سقلشنی سۉره‌دی.
افغانستان ۱۷ یاشگچه بۉلگن فوتسال ملی جماعه‌سی پنجشنبه کېچه‌سی آسیا اۉیینلری فینالی‌ده ایران جماعه‌سینی ۲-۱ حسابیده مغلوب اېتدی و بیرینچی مرته افغانستان اوچون بو مسابقه‌ده آلتین مدالنی قۉلگه کیریتدی.
جماعه اعضالری‌نینگ کابل‌گه قیتیشی خلق تامانیدن کته شادلیک بیلن کوتیب آلیندی. اینقسه، کابل‌نینگ غربیده‌گی دشت برچی حدودیده آدملر اولرنی نایاب قووانچ و شادلیک بیلن کوتیب آلیشدی.
