طالبان‌نینگ ساغلیقنی سقلش وزیرلیگی تامانیدن نشر اېتیلگن معلوماتگه کۉره، اۉتکن کېچه یوز بېرگن زلزله نتیجه‌سیده حاضرگچه اۉن کیشی جان بېریب و ۲۶۰ کیشی یره‌لنگنی انیق‌لنگن.
ساغلیقنی سقلش وزیرلیگینینگ سۉزلاوچیسی شرافت‌زمان امرخیل ژورنالیست‌لرگه ایتیشیچه، بو دستلبکی رقملر دیر و انیق معلوماتلرنی ییغیش اوچون سعیوحرکت دوام اېتماقده دیر.
ایتیلیشیچه اۉتگن کېچه زلزله نتیجه‌سیده کۉپراق سمنگان و بلخ ولایتلری اهالیسی زیان کۉرگن و قربانلر هم کۉپراق اوشبو ایکی ولایت‌دن دیر.
سمنگان ولایتی‌نینگ تاشقرغان تومنی مرکزی دېب اَیتیلگن اۉتگن کېچه ساعت ۱:۰۰ اطرافیده یوز بېرگن زلزله افغانستان پایتختی شامل بیر قنچه حدودلری اینقسه شمال و شمالشرق ولایتلرینی سیلکیتدی.
شونینگدېک بو زلزله، اۉزبېکستان، تورکمنستان، قرغیزستان و تاجیکستان‌ده هم سیزیلگن.
طالبان تورلی اداره‌لری همده بیرلشکن ملتلر تشکیلاتی زلزله‌دن زیان کۉرگنلرگه یاردم ییتکزیش مقصدیده سعی‌وحرکتلر باشلنگنیدن خبر بېرگن.
مذکور واقعه نتیجه‌سیده کۉپلب یشش اوی‌لر هم ویران بۉلگن. شونینگدېک کابل – مزارشریف عمومی قتناو یۉلی تنگی تاشقرغان حدودیده باغلنگن.
