بلخ ولایتیده طالبان ولایت مقام‌لیگی‌نینگ سۉزلاوچیسی حاجی زید بیر بیانات نشر قیلیب، بو ولایتده زلزله نتیجه‌سیده قربان بۉلگنلر سانی آشگنینی معلوم قیلدی.
بو حقده نشر اېتیلگن معلومات‌گه کۉره، یالغیز بلخ ولایتیده حاضرگچه زلزله عاقبتیده ۱۲ کیشی جان بېرگنی و کمیده ۴۰۰ کیشی یره‌لنگنی انیق‌لنگن.
شونینگدېک بلخ ولایت حاکمی سۉزلاوچیسی بو ولایتده یشش اوی‌لر و روضه شریف شامل تاریخی بنالر هم زلزله‌دن زیان کۉرگنینی معلوم قیلدی.
بلخ ولایتی‌گه علاوه، سمنگان و بغلان ولایتلریده هم زلزله جانی قربان‌لر و مالی زیان‌لرگه سبب بۉلگنی خبر قیلینماقده دیر.
ایتیش کېره‌ک که اۉتگن کېچه یوز بېرگن زلزله، تورکستان و قطغن ولایتلریگه قوشیمچه، بیر قنچه قوشنی مملکتلرده هم سیزیلدی.
