سمنگان ولایتی‌نینگ تاشقرغان تومنی مرکزی دېب اَیتیلگن ۶.۳ درجه کوچی ایگه بۉلگن اۉتگن کېچه‌ده‌گی زلزله، افغانستان پایتختی و بو مملکت شمال و شمال شرق حدودلریده جایله‌شگن ولایتلرنی سیلکیتدی.
اوشبو زلزله آرتیدن یوزلب اوی و بنا ویران بۉلیب و ۲۰ دن آرتیق کیشی جان بېرگن.
شونینگدېک زلزله نتیجه‌سیده یوزلب کیشی هم یره‌لنگن.
بو واقعه آرتیدن بیرلشکن ملتلر تشکیلاتی چوکاتیده فعال یاردم بیرووچی تشکیلاتلر، اینقسه بیرلشکن ملتلر تشکیلاتی انسان‌پرورلیک یاردملرینی هماهنگ‌لشتیریش اداره‌سی یا ده «اوچا» و بیرلشکن ملتلر تشکیلاتی‌نینگ آزیق-آوقت دستوری نشر قیلگن علیحده بیانات‌لریده، بو واقعه‌دن زیان کۉرگنلرگه یاردم ییتکزیش‌ده اولگوریب تورگنلرینی معلوم قیلدی.
بیرلشکن ملتلر تشکیلاتی بو اداره‌لری‌نینگ بیاناتیده، افغانستان شمالی حدودیده یوز بېرگن زلزله قربانلری سانی کۉپه‌یشی ممکن‌لیگی هم قید اېتیلگن.
