افغانستان شمال و شمال شرقی حدودلریده‌گی زلزله آرتیدن کۉپلب قیغوداشلیک مناسبت‌لر بیلدیریلیب، بو واقعه‌دن زیان کۉرگنلرگه یاردم ییتکزیلیشی طلب قیلینماقده.
حاضرگچه پاکستان باش وزیری شهباز شریف، افغانستان سابق جمهور باشلیغی حامد کرزی، طالبان حکومتی، افغانستان ملی اسلامی جنبش حزبی‌نینگ رهبری مارشال عبدالرشید دوستم، سابق حکومت ملی یره‌شوو کېنگشی‌نینگ باشلیغی عبدالله عبدالله شونینگدېک بیرلشکن ملتلر تشکیلاتی اداره‌لری، جاپان و ایران ایلچی‌خانه‌لری علیحده بیانات‌لر نشر قیلیب، زلزله قربانلری‌نینگ یقین‌لریگه اۉز قیغوداشلیکلرینی بیلدیرگن.
پاکستان باش وزیری شهباز شریف، بو آغیر احوالده پاکستان خلقی افغانستان یانیده دېب معلوم قیلگن.
شونینگدېک بو خصوصده مناسبت بیلدیرگن باشقه سیاسی سیمالر، جریانلر و خلق‌ارا تشکیلاتلر زلزله‌دن زیان کۉرگنلرگه تیزلیک بیلن یاردم ییتکزیلیشی ضرورلیگینی تاکیدلگن.
ایتیش کېره‌ک که تورکستان و قطغن‌ده اۉتگن کېچه یوز بېرگن زلزله نتیجه‌سیده حاضرگچه ۲۰ دن آرتیق کیشی جان بېرگن، ۵۰۰ دن آرتیق کیشی یره‌لنگن و یوزلب اوی و بنا هم ویران بۉلگن.
