اۉزبېکستان جمهورلیک ریاستی‌نینگ مطبوعات خذمتی تامانیدن بوگون سه‌شنبه ۱۳ – عقرب نشر اېتیلگن بیاناتگه کۉره، بو مملکت دولت رهبری شوکت میرضیایف، قطر امیری شیخ تمیم بن حمد آل‌ثانی بیلن اوچره‌شگن.
اوشبو اوچره‌شوو میرضیایف‌نینگ دوحه‌گه بۉلگن رسمی سفری دایره‌سیده اۉتکزیلدی.
دیمک اۉزبېکستان دولت رهبری قطر میزبان‌لیگیده اۉتکزیلگن «اجتماعی رواجلنیش بۉییچه ایکینچی جهان ییغیلیشی»ده اشتراک اېتیش مقصدیده، قطرگه سفر قیلگن اېکن.
ایکی مملکت یوقاری مرتبه‌لی رسمی‌لری اۉرتهسیدهگی اوچره‌شووده ایکی تامانلمه مناسبت‌لر همده استراتیژیک همکارلیکلر مساله‌لری محاکمه قیلینگن.
اوچره‌شووده انیق اۉزبېکستان و قطر اۉرتهسیدهگی اقتصادی همکارلیکلر اینقسه قطرلیک کمپنیه‌لرنینگ اۉزبېکستان سرمایه یاتقیزیشی مساله‌سی کۉریب چیقیلگن.
شونینگدېک اۉزبېکستان جمهورلیک ریاست مطبوعات خذمتی، بو اوچره‌شووده خلق‌ارا و منطقوی اهمیت‌گه ایگه مساله‌لر بۉییچه هم فکر المشتریلگنی معلوم قیلینگن.
