طالبان نظارتیده‌گی عاموی اخبارات واسطه‌لری خبر بېریشیچه، پنجشیر ولایتیدن قزیب آلینگن ۳ مینگ ۹۴۱ قیراط زمرد ساتیلگن.
طالبان نظارتیده‌گی باختر یېتکیرمه‌سی بوگون سه‌شنبه ۱۳- عقرب، پنجشیر ولایتیده‌گی طالبان حاکمی سۉزلاوچیسی سیف الدین لتون‌دن اقتباس کېلتیریب، بو مقدارده‌گی زمردنینگ ۶ میلیون ۲۵۶ مینگ ۸۱۴ افغانی عوضی‌گه ساتیلگنینی معلوم قیلدی.
لتون‌نینگ ایتیشیچه، بو مقدارده‌گی زمرد ایچکی سوداگرلرگه ارکسون آرقه‌لی ساتیلگن.
تٲکیدلش کېره‌ک که، یقینده طالبان نظارتیده‌گی عاموی اخبارات واسطه‌لری پنجشیر ولایتی‌نینگ تورلی تومنلریده ینگی زمرد، بېروج و قورغاشین کانلری‌نینگ انیقلنگنی حقیده خبر بېرگن اېدی.
طالبان افغانستان اوستیده قیته حاکمیتنی قۉلگه کیریتگنیدن بېری مملکت کانلرینی کېنگ مقیاسده قزیب آلیش و اولرنینگ محصولاتلرینی ساتیش‌گه باشلگن.
