امریکا سابق جمهور رییسی اۉرین باسری دیک چینی ۸۴ یاشیده عالم‌دن اۉتدی. سی‌ان‌ان‌نینگ گزارش قیلیشیچه، چینی جنابلری‌نینگ عایله‌سی او ذات‌الریه و یوره کسللیگی سبب عالم‌دن اۉتگنینی بیلدیرگن.
دیک چینی ۲۰۰۱- ییلدن ۲۰۰۹- ییللرده امریکا سابق جمهور رییسی جورج دبلیوبوش‌نینگ اۉرین باسری اېدی.
او امریکا جمهور رییسی‌نینگ کوچلی اۉرین باسری همده عراق اوروشی معماری بۉلگنی تیلگه آلینه‌دی.
شونینگدیک سی‌ان‌ان دیک چنی اوزاق ییللر واشنگتن‌ده کوچلی بیر سیما بۉلیشیگه قره‌مه‌ی، سۉنگّی ییللرده عملده‌گی جمهور رییس دونالد ترامپ سیاسیتلرینی قتّیق منتقدی بۉلیب اتگی جمهوریتچیلر حزبیدن اوزاقلشگن اېدی دیگن.
عین حالده او، ۲۰۲۴- ییل امریکا سیلاولریده ترامپ‌نینگ سیاستلریگه اعتراض بیلدیریب دموکراتچی کامالا هریس‌گه رای بېرگن اېدی.
