فاریاب ولایتیده طالبان خوفسیزلیک قومندان‌لیگی بوگون چهارشنبه ۱۴ – عقرب، ولایت مرکزی میمنه شهری همده شیرین تگاب و قیصار تومن‌لریدن تۉرت کیشی حبسگه آلینگنینی معلوم قیلدی.
فاریاب خوفسیزلیک قومندان‌لیگی تامانیدن نشر اېتیلگن بیاناتگه کۉره، میمنه شهری ایکینچی خوفسیزلیک حدودی‌دن بیر شخص اۉغیرلیککه عیب‌لنیب اوشلنگن.
مذکور شخص بیر اوی‌گه باستیریب کېریب، ۱۱ مینگ و ۲۰۰ افغانی پولی بۉلگن واسکت و بیر تلیفون‌نی اۉغیرلیک قیلگن اېکن.
شونینگدېک قیصار تومنی‌ده هم بیر کیشی، ۸۰ سیر مه‌ییز نی اۉغیرله‌گنلیکده عیب‌لنگن شخص طالبان تامانیدن حبسگه آلینگن.
عینی حالده طالبان خوفسیزلیک قومندان‌لیگی، شیرین تگاب تومنی‌نینگ اسلام قلعه حدودیده بیر شخص، تقیق‌لنگن دارولرنی ساتیش‌ده عیب‌لنیب حبسگه آلینگنینی هم اعلام قیلدی.
ایتیش کېره‌ک که سونگی وقتلرده، فاریاب ولایتیده اۉغیرلیک واقعه‌لری کۉپه‌یگنی اَیتیلماقده.
