روسیه و چین سودا همده انرژی ساحه‌لریده‌گی همکارلیکنی کېنگه‌یتیریشگه قرار قیلدیلر.
روسیه نینگ تاس اخبارات آژانسی، چهارشنبه کونی 5-نوامبر خبر بېریشیچه، روسیه باش وزیری میخاییل میشوستین و چین باش وزیری لی چیا‌نگ، ایکّی مملکت اۉرته‌سیده‌گی چېگره و باجخانه تیزیملرینی زمانه‌وی لشتیریشگه کېلیشیب آلیشگن.
خبرگه کۉره، ایکّی دولت اۉرته‌سیده رخصت اېتیلگن توارلر رۉیخطی کېنگه‌یتیریله‌دی و اۉز-ارا سودا توزیلمه‌سی دهقانچیلیک محصولاتلری همده خام اشیا توارلریگه یۉنلتیریله‌دی.
شونینگدېک، اولر پروژه‌لرنی جلب قیلیش، اۉزارا قۉللب-قوّتلش و ایلغار تکنالوژی‌لر ساحه‌سیده همکارلیکنی کوچه‌یتیریشگه اورغو بېریشگن.
چین 2024-ییلده روسیه‌دن 213 میلیون تُن نفت و 246 میلیارد متر مکعب گاز وارد قیلگن.
شونینگدېک، مغولستان آرقه‌لی اۉتووچی «سیبیر کوچی–2» گاز قوووری لایحه‌سی عملگه آشیریلماقده؛ بو لایحه روسيه نینگ چینگه گاز صادراتینی ییلیگه 50 میلیارد مترمکعب‌گه آشیریشی کوتیله‌دی.
