خلق‌ارا یېتکیرمه‌لر تامانیدن نشر اېتیلگن خبرلرگه کۉره، قزاقستان جمهور باشلیغی قاسم جومر توقایف، اسراییل بیلن مناسبت‌لرینی کینگه‌یتیریش مقصدیده «ابراهیم» ناملی بیلن تانیلگن کېلیشووگه قوشیله‌دی.
بوندن ایلگری اوشبو کېلیشوو اساسیده، بیر قنچه عرب مملکتلری اسراییل بیلن دیپلوماتیک علاقه‌لرنی باشله‌گن اېدی.
نشر اېتیلگن خبرلرگه کۉره، قاسم جومر توقایف بو خصوصده بۉلگن قرارینی امریکا قوشمه ایالتلری جمهور باشلیغی دونالد ترامپ بیلن بۉلگن اوچرهشوویده اعلام قیلیشی کوتیله‌دی.
ایتیش کېره‌ک که قزاقستان کمیده ۳۲ ییل دیر که اسراییل بیلن دیپلوماتیک علاقه‌سی بار. بیراق شوندی بۉلسه هم دونالد ترامپ قزاقستان ابراهیم کېلیشوویگه قوشیلیب، اسراییل بیلن دیپلوماتیک مناسبت‌لرینی چوقورراق کوچه‌یتیریشگه قرار قیلگنینی معلوم قیلدی.
