طالبان‌نینگ چیگره پولیس کوچلری تشکیلاتی تامانیدن نشر اېتیلگن معلوماتگه کۉره، بلخ ولایتی مزارشریف شهریده ایکی کیشی، ساخته حجت‌لر بیلن تورکیه کېته‌یاتکن چاغی قۉلگه آلینگن.
بو حقده نشر اېتیلگن بیاناتگه کۉره، مذکور شخص‌لر مزارشریف خلق‌ارا قونلغه‌سیدن اوشلنگن.
ایتیلیشیچه بو کیشی‌لر ساخته حجت‌لر بیلن تورکیه و اوندن کېین ایتالیاگه کېتیش‌نی قصد قیلگن اېکن.
دیمک سونگی ییللرده، افغانستانده‌گی سیاسی و اقتصادی معمالر باعث، کۉپلب اهالی مملکت‌نی ترک اېتیشگه اورینماقده و بو وضعیت کۉپلب ناقانونی و ساخته یۉللر توزاتیلیشیگه هم شرایط یره‌تگن.
شونینگدېک ساخته حجت‌لر بیلن اهالینی چیت‌ایلگه یوباریش اوچون فریبگرلیکلر هم خبر قیلینگن دیر.
