طالبان مالیه وزیرلیگی بوگون شنبه ۱۷ – عقرب بیر بیانات نشر قیلیب، اسلامی ترقیات بانکی افغانستان پایتختی کابلده یوره‌ک کسللیگینی دوالش بۉییچه زمانه‌وی بیر کسلخانه قوریشیدن خبر بېردی.
ایتیلیشیچه اوشبو لایحه‌نینگ عملگه آشیریلیشی اوچون ۲۴ میلیون امریکا دالری بودجه نظرده توتیلگن.
دیمک اسلامی ترقیات بانکی تامانیدن قوریله یاتکن بو کسلخانه ۱۰۰ اۉرینلی بۉلیب، زمانه‌وی قوریله‌دی.
طالبان مالیه وزیرلیگی بو خصوصده، مذکور وزیرلیک و اسلامی ترقیات بانکی اۉرته‌سیده کېلیشوو امضالنگنینی بیلدیریب، تیزلیکده عملی ایشلر باشلنیشینی معلوم قیلدی.
بو حقده نشر اېتیلگن معلومات‌نی بیلدیریشیچه، مذکور کسلخانه‌نینگ خریطه‌سی و دیزاینی تېگیشلی اداره‌لر بیرگه‌لیگیده کېله‌سی آلتی آی ایچیده تیارلنه‌دی.
ایتیش کېره‌ک که بو سونگی ییللر دوامی‌ده ییریک بیر لایحه دیر که اسلامی ترقیات بانکی تامانیدن، افغانستانده عملگه آشیریلماقده.
